UVIÉU, 6 Mar. (EUROPA PRESS) -
L'alcalde de Siero, Ángel García, dixo esti vienres que l'oxetivu de les obres de meyora estética del nuedu de conexón del AS-17 y AS-381, con una glorieta que va representar un mapamundi, "sirvan pa cuntar una historia y provocar una reflexón sobre'l nuestru planeta".
Pa eso van xenerase unes lletres onde podrá lleese'l lema 'Save your planet, curia'l to planeta'. La intervención tamién contempla actuar sobre les pilastres y murios sobre los qu'escurre l'AS-381.
El proyectu cunta con un presupuestu de 598.775,54 euros y un plazu d'execución de 4 meses dende l'empiezu de les obres. El Alclade visitó esti vienres la meyora de les obres.
Trátase d'ún de los puntos con más tráficu del conceyu y constitúi una de les principales entraes dende'l norte a Llugones y a La Fresneda. Esla primer imaxe que recibe quien apuerta por esti puntu al conceyu.
"Los trabayos avancen a bon ritmu y esperamos que puedan tar remataos de cara al branu. Una vegada concluya la obra, vamos acometer la pintura de murales nos llaterales, d'acordies col diseñu de la mesma rotonda, coles mires de que se convierta nun puntu de referencia", comentó García.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
