L'asturianu Salvador Garriga ocupa'l puestu númberu 22 de la llista del PP pa les europees

El partíu anueva la candidatura nun 41%, con Luis de Grandes y Teresa Jiménez Becerril nes places dos y trés

MADRID/UVIÉU, 29 d'Abril (EUROPA PRESS)

El Partíu Popular anovó al 41% los 32 primeros puestos de la llista cola que va participar nes elecciones europees de 7 de xunu, y colocó de númberu dos a Luis de Grandes, que repite, y a Teresa Jiménez Becerril, que s'incorpora como novedá, de númberu trés. L'asturianu Salvador Garriga ocupa'l puestu númberu 22, mientres que'l presidente del PP d'Asturies, Ovidio Sánchez, nun ta incluyíu.

Un total de 13 europdiputaos, de la llista de 32 a la que tuvo accesu Europa Press, nun van repetir na candidatura. Amás de Gerardo Galeote, que güei comunicó a Mariano Rajoy la so intención de nun participar na candidatura, tampoco van tar nesta ocasión Luis Herrero, Luisa Fernanda Rudí --que yá dexó'l parlamentu européu pa presidir el PP d'Aragón--, Ana Mato y Cristóbal Montoro, que tamién dexaron l'escañu d'eurodiputaos pa tornar al Parlamentu español nes elecciones del 2004.

Tampoco van repetir como eurodiputaos Fernando Manuel Fernández Martín, Daniel Luis Vareal Suances-Carpena, Salvador Domingo Sanz Palacio, Cristina Mazas Pérez-Olega, María José Solana Barras, Guillermo María Martínez Casas y Catalina San José de Miguel.

Dalguno de los que repiten cambien de puestu, como ye'l casu de Luis de Grandes, que pasa del once al dos, o'l de Pilar del Castillo, que sube del diez al cinco.

ENCAXE REXONAL

Ente les nueves incorporaciones tán, amás de la númberu trés, que ye Teresa Jiménez Becerril, la presidenta del PP de Baleares, Rosa Estarás; Pablo Zalba Bidegain, por Navarra; el diputáu por Tenerife, Gabriel Mato; Pablo Arias, asesor d'Aznar en FAES; Santiago Fisas, conseyeru de Cultura de la Comunidá de Madrid; y Eva Ortiz, conceyal d'Urbanismu d'Orihuela (Alicante), considerada cercana a Francisco Camps, ente otros.

A ellos súmense como nuevos candidatos Verónica López Fontagne, Auxiliadora Correa (senadora por Badaxoz), Sofía Acedo (presidenta de Nueves Xeneraciones de Melilla), Adela María Nieto (conseyejera de Sanidá de Ceuta), Juan Corro y Joaquín Vázquez (secretariu de Política Internacional de Nueves Xeneraciones).

El PP peslló los primeros 32 númberos de la llista de les europees tres seis hores de conceyu, nos que los intereses rexonales dificultaron l'encaxe de toles pieces, a lo que s'añadió l'adautación de la candiatura a la Llei d'Igualdá, cola inclusión de más muyeres de les qu'había.

Según les fontes consultaes por Europa Press, estes dificultaes viéronse agravaes porque dalgunos territorios preferíen cambiar al candidatu propuestu pola so rexón. Sin embargu, en dalgunos casos, la direición del partíu consideraba que dalgunos d'ellos fueron útiles, realizaron un bon trabayu y son importantes pa la maquinaria del grupu parlamentariu n'Europa, polo que prefería nun cambialos.

La discusión sobre esti asuntu se treslladó con Mariano Rajoy al Congresu de los Diputaos, a onde acudió acompañáu de la secretaria xeneral, María Dolores de Cospedoal y del vicesecretariu, Javier Arenas, colos que s'aconceyó nel so despachu del Parlamentu hasta'l momentu de baxar a votar nel plenu. Tres la votación, el presidente del PP tornó a Génova p'acabar de pesllar la llista, llabor qu'acabó cerca de les once de la nueche.

LLISTA DE LOS 32 PRIMEROS

1.- Jaime Mayor Oreja.

2.- Luis de Grandes.

3.- Teresa Jiménez Becerril.

4.- Alejo Vidal Cuadras.

5.- Pilar del Castillo.

6.- José Manuel García Margallo.

7.- Carmen Fraga.

8.- Pablo Zalba Bidegain (Navarra).

9.- Iñigo Ménez Vigo.

10.- Rosa Estarás.

11.- Francisco Millán.

12.- Agustín Díaz de Mera.

13.- Gabriel Mato.

14.- Pilar Ayuso.

15.- Verónica Lópe Fontagne.

16.- Carlos Iturgáiz.

17.- Antonio López Ustúriz.

18.- Cristina Gutiérrez Cortines.

19.- Ignacio Salafranca.

20.- María Esther Herranz (La Rioja).

21.- Pablo Arias.

22.- Salvador Garriga.

23.- Santiago Fisas.

24.- Eva Ortiz.

25.- Auxiliadora Correa.

26.- Juan Naranjo.

27.- Florencio Luque.

28.- Daniel Bautista López.

29.- Sofía Acedo.

30.- Adela María Nieto.

31.- Juan Corro.

32.- Joaquín Vázquez.