Les muertes por Covid-19 n'España xube a 19.130 y el númberu de contaxaos a 182.816

MADRID/UVIÉU, 16 Abr. (EUROPA PRESS) -

El coronavirus nuevu provocó en 24 hores la muerte a 551 persones, lo que supón una xuba en comparanza col miércoles (con 523) y alza la cifra del total de finaos a les 19.130. Al igual qu'ayeri, los casos confirmaos de coronavirus volvieron aumentar (5.183 más) hasta llegar a los 182.816 infectaos en total.

Asina se pue ver nos últimos datos publicaos esti xueves pol Ministeriu de Sanidá, nos que se reflexa tamién que n'España yá curaron 74.797 persones, lo que supón 3.947 nun día.

La Comunidá de Madrid sigue siendo la rexón con más afectaos, rexistrándose yá 50.694 afectaos y 6.877 muertos, siguida de Cataluña con 37.354 persones infectaes pol coronavirus y 3.855 finaes por esta causa, anque esta comunidá camudó'l métodu de cálculu porque incluyó los datos de les funeraries.

Coles mesmes, Andalucía tien 10.807 afectaos y 912 muertos; Aragón con 4.566 infectaos y 543 finaos; Asturies, rexistra 2.170 contaxaos y 168 muertos; y Baleares, 1.637 afectaos y 131 muertos. Per otru llau, Canaries contabilizó 1.988 pacientes y 107 finaos; Cantabria yá tien 1.845 pacientes y 137 muertos; Castiella-La Mancha tien 15.151 pacientes y 1.796 finaos; Castiella y Llión 14.380 infectaos y 1.372 muertos; Ceuta 100 afectaos y 4 finaos; y la Comunidá Valenciana, 9.615 infectaos y 972 muertos.

Estremadura rexistra yá 2.881 infectaos y 359 finaos; Galicia 7.873 pacientes y 310 muertos; Melilla 103 contaxaos y 2 finaos; Murcia, 1.598 afectaos y 111 muertos; Navarra, 4.348 afectaos y 261 finaos; País Vascu tien 11.790 pacientes afectaos y 956 muertos por coronavirus; y La Rioxa 3.916 contaxaos y 257 finaos.