L'ex presidente Aristide torna a Haití dos díes antes de la segunda vuelta de les presidenciales

PUERTU PRINCIPE, 18 de Marzu (Reuters/EP)

L'ex presidente haitianu Jean Bertrand Aristide tornó esti vienres a Haití, tres siete años exiliáu en Suráfrica y xusto dos díes antes de la segunda vuelta de les elecciones presidenciales nel país caribeñu.

Los sos partidarios recibieron con glayíos d'alegría y vítores a un sonriente Aristide que llegó nun vuelu charter dende Suráfrica al aeropuertu de Puertu Príncipe, acompañáu pola so familia y pol actor y defensor de los derechos de los afroamericanos, Danny Glover.

De 57 años d'edá, Aristide, qderrocáu nel 2004 por un golpe d'estáu, ye mui popular ente la clase más desfavorecida de la población haitiana, mientres que los homes de negocios refúguenlu y percíbenlu como una figura de división.

Aristide tornó esti vienres a Haití, desoyendo un pidimientu directu d'Estaos Uníos pa qu'aplazara la so vuelta hasta dempués de la celebración de la segunda vuelta de los comicios presidenciales.

Estaos Uníos y otros países donantes, que destinó miles de millones de dólares pa contribuyir a la reconstrucción d'Haití, espresaren la so medrana pola posibilidá de que'l regresu d'Aristide pudiera ser perxudicial nel desarrollu de la cita coles urnes.

Los electores haitianos tendrán que decidir el próximu domingu ente'l popular músicu Michel Martelly y la ex primer dama Mirlande Manigat nunes elecciones que los países donantes espera que dean llugar a un lideralgu estable pa encarar la recuperación tres el terremotu del añu pasáu y l'alministración de los fondos pa la reconstrucción del país.

Les autoridaes estaounidenses alvirtieron de que'l regresu d'Aristide podría tener un papel "desestabilizador" nes elecciones, que suponen la primera segunda vuelta que se celebra na hestoria d'Haití pa designar a un presidente. La misión de Naciones Uníes n'Haití (Minustah) va encargase d'aprotar seguridá mientres les elecciones.

El presidente d'Estaos Uníos, Barack Obam, conversara per teléfonu como'l so homólogu sudafricanu, Jacob Zuma, pa sorrayar la importancia de qu'Aristide nun volviere a Haití antes que se celebraren les elecciones, pero'l Gobiernu sudafricanu nun pudo evitar la vuelta del ex presidente.