LibrOviedo edita'l facsímil 'Constituciones Synodales del Obispado de Oviedo', "una pequeña xoya lliteraria"

UVIÉU, 17 Jun. (EUROPA PRESS) -

El RIDEA acoyó esti xueves la presentación oficial del facsímil conmemorativu de la 27 edición de LibrOviedo. Col títulu de 'Constituciones Synodales del Obispado de Oviedo' esta obra datada de 1608 recueye'l papel de los sínodos na organización pastoral de la vida diocesana uvieina. Trátase d'una "pequeña xoya lliteraria" de la que queden mui pocos exemplares n'España.

N'Asturies quedaben namás trés exemplares en caltenimientu mui malu, ún d'ellos incompletu nel Archivu de la Catedral, otru na Biblioteca Universitaria y el terceru na Biblioteca d'Asturies d'una obra editada en 1.608.

La presentación corrió al cargu de la presidenta de Libroviedo, Mar Prieto, l'escritor Carlos Fernández Llaneza, y Juan José Tuñón Escalada, Canónigu de la Catedral d'Uviéu y encargáu de la introducción d'esta obra.

Juan José Tuñón manifestó que se trata d'un llibru mui singular y desconocíu a pesar de la importancia que tuvo a lo llargo de trés sieglos polo que destacó a LibrOviedo el poder participar nesti proyectu.

Asina indicó que la so edición foi "una proeza" porque de los trés exemplares qu'hai na rexón ún ta incompletu y los otros dos en mal estáu porque foi un llibru mui usáu durante trescientos años p'asuntos eclesiásticos y cuestiones pastorales.

Publicáu en 1.608, dómina na que publicar un llibru yera una empresa mui costosa, la obra editóse en Valladolid y non n'Uviéu, posiblemente pola presencia d'imprentadores de prestixu na ciudá mentada. Salió una tirada d'unos 1.200 exemplares que se distribuyeron en cada parroquia de la diócesis, que tenía que disponer d'un exemplar.

Tuñón Escalada recordó que nesi momentu la Diósesis d'Uviéu tenía 170 o 180 parroquies, dalgunes fuera de la provincia d'Asturies, como Coyanza o Benavente.