UVIÉU, 2 Oct. (EUROPA PRESS) -
La Xunta pola Defensa de la Llingua Asturiana (XDLA) va a entamar esti vienres 2 d'ochobre a les 19.00 hores una concentración ente la sede de Presidencia y la Xunta Xeneral pa reclamar la oficialidá del asturianu y del gallego-asturianu.
La organización, qu'entama una manifestación pola oficialidá nel Día de les Lletres dende hai más de trenta años, decidió que pola situación xenerada pol andanciu de la Covid-19 el formatu escoyíu pa la convocatoria sía'l d'una concentración.
"Anguaño, más que nunca, esti Día de les Lletres Asturianes ha ser un llamamientu a la responsabilidá a los grupos parllamentarios con representación na Xunta Xeneral y al Gobiernu Asturianu p'abrir una reforma del Estatutu d'Autonomía que reconoza al asturianu y al gallego-asturianu como llingües oficiales d'Asturies. El momentu ye agora", indicaron dende la organización.
Na concentración pola oficialidá, recuerden dende la XDLA, va ser necesario respetar les distancies de seguranza y l'usu de mázcara.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
