UVIÉU 10 Jul. (EUROPA PRESS) -
Impronta Ediciones publicó la obra ganadora del Premiu Xuan María Acebal de poesía n'asturianu: 'Los carreros del tiempu', de Marta Mori. Al concede-y el premiu, el xuráu destacó "la claridá, la elegancia, l'equilibriu ente lo clásico y la contemporaneidá, la sensibilidá social nada impostada y la naturalidá llingüística".
Marta Mori d'Arriba nació en Xixón en 1965. Ye Doctora en Filoloxía Española y trabaya como profesora nel IES Xovellanos y na Universidá d'Uviéu. Ye vicepresidenta de l'Academia de la Llingua Asturiana y dirixe la revista Lliteratura, que publica esta institución. Como poeta ganó dos veces tanto el premiu Teodoro Cuesta (en 2002 con Pórticu y en 2007 con El tiempu de la espera como'l Xuan María Acebal: en 2010 con 'La mio voz' y na presente edición. Ye autora amás del llibru de relatos Histories familiares (2008) y d'una traducción de Paul Valéry, 'El cementeriu marín' (2018), amás del poemariu 'Orfandá' (2019).
El premiu Xuan María Acebal, convocáu pola Conseyería de Cultura, Política Llingüística y Turismu, ta dotáu con 6.000 euros y la publicación de la obra ganadora.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
