UVIÉU 22 Abr. (EUROPA PRESS) -
El vienres 24 d'abril a les 21.30 hores, na canal de YouTube de Misiva, va estrenase 'L'Últimu Aliendu', col que'l grupu de punk-rock va celebrar el so décimu aniversariu.
'L'Últimu Aliendu' ta formáu por trés nuevos cantares -'Esclavos del Momentu', 'Héroes Ensin Nome' y 'Qu'Arda'l Sol'-, toos ellos cantaos n'asturianu dafechu y con un mensaxe de denuncia social y optimista al empar.
Grabaos nos OVNI Estudios de Pablo Martínez (Desakato) y masterizaos n'Estaos Uníos por Brad Boatright, estos temes van publicase tamién en forma d'EP el sábadu 25 en toles plataformes dixitales.
La banda programara una proyección d'esta 'roadmovie' nel Teatru Filarmónica d'Uviéu, pero a cuenta de la crisis del COVID-19 tuvieron que cancelala. Agora va ser en YouTube onde van estrenar el videu pa compartilu con tola xente que ta sufriendo'l confinamientu.
Depués va llegar el conciertu especial de celebración, programáu pal 4 de setiembre na sala Tribeca d'Uviéu y nel que van actuar xunto a Amplify.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
