UVIÉU, 23 Dic. (EUROPA PRESS) -
María Luz Fernández González, Lucita, madre del expresidente del Principáu d'Asturies, Javier Fernández, finó esti llunes en Xixón a los 95 años, según informaron fontes del Gobiernu rexonal.
"Finó la madre del presidente Javier Fernández. En nome del nuestru presidente, Adrián Barbón, y del Gobiernu del Principáu d'Asturies, queremos tresmitir el nuestru más sentíu pésame a él y a la so familia", asina lo comunicó l'executivu rexonal na so cuenta de Twitter esta mañana.
El veloriu colos sos restos mortales quedó instaláu na sala 8 del Tanatoriu de Cabueñes en Xixón onde la familia yá ta recibiendo'l pésame d'amigos y allegaos. Los sos restos mortales van ser encineraos nel Tanatorio Xixón-Cabueñes a les 13.30 hores del martes, día 24 d'avientu.
Per otru llau, el presidente de la Xunta Xeneral del Principáu, Marcelino Marcos Lindez, nel so nome y en representación del Parllamentu asturianu, treslladó'l so más sentíu pésame pol fallecimientu de la so madre al Presidente Javier Fernández y a tola so familia.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
