El Musel rexistra una combustión espontánea de carbón a "unos cientos de metros" del llugar de la futura regasificadora

XIXÓN, 24 de Febreru (EUROPA PRESS)

La Terminal de Graneles Sólidos (EBHI) d'El Musel rexistró güei una combustión "espontánea" d'una parte del carbón que ta almacenáu, a unos cientos de metros d'onde se van asitiar los tanques de la regasificadora, confirmaron a Europa Press fontes averaes a la compañía.

Les mesmes indicaron que pese a que ye posible que'l carbón, según el tipu que seya, prenda, nun ye habitual nin normal lo asocedío mientres la mañana, y nun se conocen esactamente les causes. Sicasí, otres fontes consultaes esplicaron qu'esti tipu de combustiones se produz n'ocasiones tanto en terminales como en mines a cielu abiertu, pero añadieron que ta baxo control "davezu". Nesti sen, indicaron qu'esiste algún tipu de carbones qu'autocombustionen, independientemente de qu'haya chispes o fueu alredor. Esto ye asina pol so poder caloríficu que provoca una mayor oxidación nel carbón y en determinaes circunstancies xenera la combustión.

Nestos casos, suel separase una parte del carbón, que suel producir caricoses y non llames, per una parte, p'aprovechalu al máximu y per otra pa evitar que'l restu combustione. Sicasí, hai una parte qu'hai que dexar que siga quemando hasta que s'apague.

Per otru llau, anque nesti momentu los terrenos de la regasificadora tán próximos a la EBHI y al llugar onde se produxo la combustión del carbón, nun futuru, cuando la planta yá tea construyida, nel llugar d'almacenamientu de mineral va tar operativa la Terminal multipropósitu, especialmente destinada a contenedores y mercadería xeneral, tal como consta nel proyectu d'ampliación, según esplicaron les fontes.

REGASIFICADORA "SEGURA"

Pela so parte, la empresa Enagás confirmó a Europa Press que capítulos como'l de güei nun afectaríen "en nada" a la regasificadora nin diba haber "nengún problema" nos tanques, en primer llugar pola distancia, a cientos de metros d'onde asocedió la combustión espontánea, y, en segundu llugar, porque la planta contará con "tolos elementos de proteición".

D'otru llau, el voceru de la compañía ta a la espera de la llicencia d'obres municipal pa la construcción de la planta. Pel moentu, Enagás dedicóse a facer movimientos de tierres y trabayos de consolidación del terrenu, pa lo que sí cuenta con llicencia del Conceyu. Enagás calcó en que tovía nun se ta construyendo nada nin se ta faciendo cimentación, sinón allanando'l terrenu.