XIXÓN, 27 Jun. (EUROPA PRESS) -
Parte del sector musical posicionóse esti martes en contra de les intenciones de Vox en Xixón de nun programar artistes o actuaciones n'asturianu, al traviés d'un manifiestu que denominaron 'Música n'asturianu SÍ'.
Nel manifiestu, aluden a la vulneración de derechos "pergrave" y esixen responsabilidaes polítiques, amás de reclamar que les intenciones de Vox nun se lleguen a materializar.
Nesti sentíu, con esta iniciativa busquen apoyos individuales y colectivos del sector musical, pa que se xunten al manifiestu hasta'l domingu viniente y facer públicos los resultaos la selmana del 3 de xunetu viniente.
Coles mesmes, nel testu del manifiestu, destaquen que la música n'asturianu ye 'Marca Asturies' y 'Marca Xixón', a lo que llamen l'atención sobre que sería "impensable" que, por exemplu, en Ferrol prohibieren actuaciones en gallegu.
"Yá valió de faltar el respetu a la cultura asturiana, de crear problemes onde nun los hai", destacaron, de la que piden que nun quede "impune" el dicir eses "barbaridaes", con referencia a les declaraciones de la diputada de Vox, Sara Álvarez Rouco.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
