UVIÉU, 29 Jul. (EUROPA PRESS) -
Nueve conceyos del suroccidente asturianu van tar esti xueves en riesgu 'bien altu' de quemes forestales, según les previsiones del Institutu de Recursos Naturales y Ordenación del Territoriu (Indurot). Los conceyos con esti nivel d'alerta altu son Ayande, Boal, Cangas, Degaña, Grandas de Salime, Ibias, Eilao, Pezós y Villayón. Nel restu d'Asturies el riesgu va ser altu.
El Principáu recuerda que, con esti nivel de riesgu, ta prohibíu encender fueu nos montes, incluyíes les barbacoes de les árees recreatives, asina como utilizar material pirotécnicu o maquinaria que pueda xenerar chispes en zones forestales, sacantes les escepciones previstes.
Esti índiz clasifica diariamente'l peligru de quemes forestales en cinco niveles: baxu, moderáu, altu, bien altu y estremu, ellaborada en base a les previsiones meteorolóxiques de l'Axencia Estatal de Meteoroloxía y a la recurrencia temporal y espacial de quemes forestales.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)