Oasis anuncia la so vuelta a los escenarios tres 15 años con 14 conciertos n'Inglaterra ya Irlanda

MADRID 27 Ago. (EUROPA PRESS) -

La banda de rock británica Oasis anunció la so vuelta a los escenarios tres tarquince años lloñe de la música a consecuencia del distanciamientu de los hermanos Gallagher. Van realizar un total de 14 conciertos per Irlanda ya Inglaterra nel branu de 2025.

Nun comunicáu na rede social 'X' los hermanos Noel y Liam Gallagher, presentaron una nueva xira que va pasar peles ciudaes de Cardiff, Manchester, Londres, Edimburgo y Dublín.

"Esto ta pasando" empezaba diciendo'l mensaxe, pa dempués esplicar que les entraes van salir a la venta esti próximu 31 d'agostu a les 8 am n'Irlanda y a les 9 am n'Inglaterra.

La xira va entamar nel 'Principal Stadium' de Cardiff mientres los díes cuatro y cinco de xunetu, y va siguir por Manchester los díes once, doce, 19 y 20 nel 'Heaton Park'. Los últimos conciertos del mes van ser el 24 y 25 nel 'Wembley Stadium' de Londres.

Ese mesmu estadiu va dar la bienvenida al mes d'agostu con conciertos mientres los díes 2 y 3, que van siguir los díes 8 y 9 nel 'Murrayfield Stadium' d'Edimburgo. A lo último, los hermanos Gallagher van rematar la so xira nel 'Croke Park' de Dublín (irlanda) los díes 16 y 17 d'agostu.

El dúo dixebróse en 2009, tres los continuos y airaos desencuentros de los dos hermanos, qu'entamaron les sos carreres en solitariu. De magar, los rumores sobre'l so realcuentru circularon a lo llargo de los años, pero nun foi hasta güei cuando anunciaron la so vuelta a los escenarios.

Precisamente esti pasáu domingu, dambos artistes compartieron nes sos cuentes de Instagram y na páxina oficial d'Oasis un vidéu curtiu d'un cartelu col logotipu de la banda y cola fecha d'esti martes, 27 d'agostu, alvirtiendo de que diben dicir daqué importante. Esi mesmu día The Sunday Times aseguraba que dambos hermanos dexaron " les sos diferencies a un llau" y alvirtió d'un posible realcuentru.

La bona relación de dambos pudo vese tamién cuando Liam a lo llargo de la so actuación nel Festival de Reading del domingu, dedicó-y el tema d'Oasis 'Half The World Away' al so hermanu Noel del que dixo que "sigue faciéndose'l duru" y más tarde el so ésitu 'Cigarettes & Alcohol' a la xente que, según él, odia a la banda.