Gabino de Lorenzo, propuestu como candidatu del PP a l'alcaldía

EP

UVIÉU, 14 de Xineru (EUROPA PRESS)

El Comité Electoral Rexonal del Partíu Popular d'Asturies, aconceyáu esta tarde na sede rexonal del partíu, acordó proponer por unanimidá a Gabino de Lorenzo Ferrera como candidatu a l'alcaldía del Conceyu d'Uviéu nes próximes elecciones del 22 de mayu y elevar dicha propuesta al Comité Electoral Nacional pa la so ratificación, según informó'l PP d'Asturies.

Gabino de Lorenzo lleva siendo alcalde d'Uviéu dende l'añu 1991. Nació n'Uviéu'l 14 de Febreru de 1943. Ta casáu y tien dos fíos. Llicenciáu en Mines, trabayó n'Uninsa, na Fábrica de Morea de Xixón. Darréu entró en Ensidesa (Veriña), y tanto en Moreda como n'Ensidesa trabaya nel fornu altu.

Abandonando l'exerciciu del so oficiu nel añu 1987 pa dedicase a la política. Nesti momentu ocupaba'l cargu d'Inxenieru Xefe de División arrabio-cok. Salió escoyíu conceyal del Conceyu d'Uviéu en 1987, como cabeza de llista del PP, grupu mayoritariu de la oposición nesos momentos. Dende aquélla preside la Xunta Llocal del PP n'Uviéu.

Cuatro año más tarde, en 1991, llogró l'Alcaldía d'Uviéu cargu que repite con mayoría absoluta nes elecciones de 1995, 1999, el 2003 y el 2007. Dende 1995 ye miembru de la Xunta Directiva Nacional del Partíu Popular y tamién forma parte de Comité Executivu Rexonal y de la Xunta Directiva Rexonal n'Asturies. Presidió dende la so creación de la Sociedá Cinturón Verde d'Uviéu S.A. hasta l'añu 2001.