UVIÉU, 26 Nov. (EUROPA PRESS) -
L'escritor Pablo Rodríguez Medina (L'Entregu, 1978) foi'l ganador del Concursu de Cuentos pola Oficialidá del Asturianu, que convoca'l Conceyu Bimenes y qu'esti añu llegó a la so edición númberu venticuatro.
El primer premiu, dotáu con 600 euros, foi pa la so obra 'En brazos de naide'. El segundu premiu, dotáu con 450 euros, foi pal cuentu 'Enguedeyos y mentires', de Solinca Turbón Cuesta (La Felguera, 1981), y Gonzalo González Barreñada (Sotrondio, 1973) algamó'l tercer premiu al que se-y apurren 300 euros, con 'La muerte d'acebache'.
Nesta edición el xuráu tuvo compuestu polos escritores Xulio Vixil, Paco Álvarez y José Ángel Gayol. Nes selmanes próximes el Conceyu de Bimenes anunciara la fecha d'entrega del premiu, actu nel que l'autor va facer llectura pública del cuentu ganador.
