Actualizado 08/01/2009 12:10 CET

El paru incrementó n'Asturies un 24,18% nel 2008, al sumar 12.385 desemplegaos más

UVIÉU, 08 de Xineru (EUROPA PRESS)

El númberu de paraos rexistraos nes oficines d'Emplegu del Principáu d'Asturies rexistró nel 2008 un total de 12.385 paraos más, lo que supón un aumentu del 24,12 por cientu en comparanza col añu anterior, y eleva la cifra total de desemplegaos na comunidá a 63.614 persones. Trátase d'un incrementu inferior al del conxuntu del país (46,93%), según datos publicaos güei pol Ministeriu de Trabayu y Inmigración.

N'avientu, el númberu de desemplegaos na comunidá rexistró un incrementu de 5.363 persones sobre'l mes anterior, lo que significa un 9,31 por cientu más qu'en payares. Asina, la tasa de subida asturiana sobre payares duplica la rexistrada a nivel nacional (4,67%) y posiciona a Asturies como la tercer comunidá con una mayor tasa de repunte del paru, sólo per detrás de Navarra (9,24%) y de la Rioxa (9,61%).

Del total de paraos asturianos, un total de 30.049 son homes y 33.569 son muyeres. En concreto, de los paraos que viven na rexón. 7.137 son menores de 25 años (4.170 homes y 2.967 muyeres) y 56.477 s'alcuentren nel grupu d'otres edaes (25.879 homes y 30.598 muyeres).

El sector servicios foi'l que peor paráu salió n'avientu nel Principáu, puesto qu'aconceya 40.44 paraos, 2.167 persones más que nel mes anterior. Xunto a él, asitióse la construcción con 2.084 más hasta algamar les 10.348 persones; la industria, con 7.168 (898 más que'l mes anterior); y l'agricultura, con 778 paraos (63 más). Mientres, el conxuntu de persones ensin emplegu anterior rexistró 151 nuevos paraos, hasta algamar los 4.876 persones.

A nivel nacioal, el desmplegu trespasó n'avientu la barrera de los tres millones de desmplegaos, tres subir en 999.416 persones nel conxuntu del 2008, con esi aumentu porcentaual del 46,9 por cientu sobre 2007.

En concreto, el volume total de paraos algamó al acabar el pasáu añu la cifra de 3.132.963 desemplegaos, el so nivel más altu en tola serie histórica comparable qu'entama en 1996 y el más eleváu dende 1987 si se tienen en cuenta los años nos que la metodoloxía actual pal cálculu del paru nun ta vixente.

Nel 2008, el paru aumentó en toles comunidaes autónomes, encabezaes por Andalucía, con 208.561 desemplegaos más, Cataluña (157.443), Comunidá Valenciana (142.131) y Madrid (116.183). Xunto a Ceuta y Melilla, los menores incrementos los rexistraron La Rioxa, Navarra y Cantabria, con 5.918, 11.381 y 11.923 paraos más, respectivamente.

CONTRATACIÓN

La contratación tamién se vio afeutada n'avientu nel Principáu d'Asturies, hasta'l puntu de que'l númberu de contratos cayó un 4,58 por cientu'l pasáu mes hasta los 19.604 unidaes, lo que supón un 8,57 por cientu menos que l'añu anterior, cuando se ficieron 1.838 contratos más. Amás, de los 19.604 contratos, la gran mayoría 17.690 son temporales, mientres que los indefiníos n'avientu fueron 1.914.

A nivel nacional, la contratación nel 2008 rexistró nel Inem un total de 16.237 contratos, un 10,8% menos que nel 2007. La contratación fixa subió l'añu pasáu a 1.902.605 contratos, un 14,3% menos.

Asturianu ofrecido por

Lo más leído

  1. 1

    El Congreso aprueba la propuesta de Podemos para eliminar mensajes de odio en redes sociales

  2. 2

    Nuevos datos confirman posible impacto del asteroide Apophis en 2068

  3. 3

    Felipe González señala que el estado de alarma "no es delegable" a las CCAA y alerta sobre una "crisis de gobernanza"

  4. 4

    La historia real tras Gambito de Dama, la serie de ajedrez de Anya Taylor-Joy en Netflix

  5. 5

    Moreno se inclina por el cierre perimetral de Andalucía antes del puente y cambiará el horario del toque de queda