Podemos Asturies reivindica'l 25 de mayu como Día d'Asturies y acusa al Gobiernu d'usalu como "estratexa política"

PODEMOS

   UVIÉU, 23 May. (EUROPA PRESS) -

   El coordinador autonómicu de Podemos Asturies, Diego Ruiz de la Peña, llamentó esti vienres "la banalización" del 25 de mayu como día de la bandera al considerar que ye "una entratexa política" que pretende "sustituyir los episodios incómodos por celebraciones vacíes y los actos de soberanía por xestos folclóricos".

   "El pueblu asturianu tien memoria y el presidente Barbón sabe perfectamente qu'hai voces, cada vez más fuertes, que pidimos qu'el 25 de mayu sía'l verdaderu Día d'Asturies. Y esti día nun se conmemora con banderes, sinón con conciencia histórica y compromisu colo que somos y fuimos capaces de faer", dixo'l coordinador n'una nota de prensa.

   Pa Podemos, esta extratexa busca "acallar voces" y ye "una muestra más del noxu de la FSA a tolo qu'empodere a la xente asturiano como pueblu". Xunto a esto, Ruiz de la Peña recordó que "la identidá d'un pueblu, sicasí, nun s'amenorga nin s'escosa nun símbolu".

   El partíu moráu señaló que la identidá aliméntase de fechos concretos que configuren la esperiencia colectiva y s'asitia "n'una realidá fonda". Ye decir, "na vivencia de lo común, nos llazos de comunidá y na conciencia d'un percorríu compartíu".

   Podemos Asturies señala que el partiu defendió dende'l so orixe'l 25 de mayu como Día d'Asturies, "recordando'l llevantamientu popular escontra la invasión napoleónica que llevó a la Xunta Xeneral a declarase soberana, allistar tropes, declarar la guerra a Francia y mandar embaxadores a Inglaterra en busca d'aliances".

   "Pa Podemos, el 25 de mayu ye un día de reivindicación de la voluntá popular, de recuerdu d'un pueblu asturianu tomando la iniciativa na cai, incluso armándose, y con instituciones propies decidiendo l'autogobiernu", concluyó'l coordinador.