Podemos carga contra Vox y encamiéntalos a dedicar los 300.000 euros que recibe a resolver los sos problemes col asturia

UVIÉU, 3 May. (EUROPA PRESS) -

El diputáu de Podemos na Xunta Xeneral Rafael Palacios criticó esti llunes a Vox por xenerar "espolín" pol usu del asturianu na Cámara. Según Palacios nun ye cierto que los diputaos de Vox nun entiendan l'asturianu.

Pero si fuera verdá, dixo que los representantes de la formación podríen emplear los 300.000 euros anuales "que reciben como subvención del parllamentu asturianu" a resolver esi problema con traductores igual que contraten fotógrafos o periodistes".

Palacios mostró asina'l so refugu a la propuesta de Vox de que, si se fala na Cámara n'asturianu, apurriérase-yos una traducción de les intervenciones. "Nun pue treslladase la obligación de la traducción a la persona falante, eso ye discriminala", dixo.

"Cola ultraderecha y el fascismu nun hai posibilidá d'entendese", llamentó Palacios, que dixo que'l restu de grupos parllamentarios, sacantea Vox, nun tienen problema col usu del asturianu o'l gallego-asturianu.

Según Palacios, lo que pretende la 'ultraderecha' ye "facer risión" y "recortar la llibertá" de les persones que quieren falar n'asturianu y discriminales", amás de "boicotiar el procesu de normalización llingüística".

Al traviés d'unes declaraciones n'asturianu distribuyíes pol so partíu, el diputáu de Podemos dixo que'l so partíu nun pretende imponer a nengún diputáu cómo tien que falar. "Lo que planteamos ye que nun se nos pue prohibir espresanos n'asturianu", dixo. Al so xuiciu, Vox ta xenerando "un problema artificial" con esti asuntu.