UVIÉU, 28 Feb. (EUROPA PRESS) -
La presidenta del PP d'Asturies, Mercedes Fernández, manifestó que los defensores de la oficialidá del asturianu "pretenden establecela adulces y pela puerta d'atrás pa que nun se fale", pero'l PP nun va cambiar los sos planteamientos porque "l'asturianu nun forma parte de la xenética propia de la inmensa mayoría de los asturianos".
Fernández realizó estes manifestaciones en Candás nel marcu de la campaña que la dirixente 'popular' realiza tolos miércoles 'Mayoría en Asturias: los miércoles, carretera' nos que visita un llugar d'Asturies.
Sobre la llingua asturiana, la presidenta del PP d'Asturies acusó al PSOE d'abrir el debate de la oficialidá depués del so últimu congresu n'Asturies "na qu'IX vio apinada una de les sos pretensiones".
Fernández señala qu'hai partíos que calificaron al PP de radical por oponese a la oficialidá pero-yos respuende que "el PP nun ye radical sinón que defende con claridá les sos posiciones" y afirma que'l so partíu va cuntar a los asturianos cómo-yos cambiaría la vida cola oficialidá del asturianu "nel ámbitu familiar, educativu, formativu, en sanidá, en xusticia..."
