av2" class="NormalTextoNoticia" itemprop="articleBody">
UVIÉU, 13 d'Agostu (EUROPA PRESS)
El Conceyu de L.lena presentó esti miércoles el videoxuegu "Carabanzo Battle", basáu nos enfrentamientos ente romanos y ástures na Carisa. La empresa asturiana Simar Informática desarrolló'l programa, que tien como oxetivu la promoción del enclave y l'impulsu del Festival Ástur-Romano de Carabanzo, que va celebrase esti fin de selmana.
"Decidimos el nome teniendo en cuenta que Carabanzo ye la población que más tira pola promoción de la Carisa", señaló l'alcalde, Ramón Argüelles, mientres la presentación. El desarrollu del videoxuegu contó con un presupuestu de 5.000 euros y diseñóse con vistes a una próxima ampliación "cuando contemos colos recursos necesarios", matizó'l rexidor.
El xuegu cuenta con cuatro pantalles que recreen dellos momentos del pasu de los romanos pela Carisa: la construcción de la Vía Carisa, la defensa de los poblaos ástures, la entrada nos campamentos romanos y una gran batalla final. "Con esta aplicación ye posible camudar la historia", bromió Argüelles.
El xuegu ta disponible na páxina web del Conceyu (www.ayto-lena.es) y va contar cola so propia plataforma. Tamién inclúi un cortu resume cola historia del enclave.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
