UVIÉU, 2 Feb. (EUROPA PRESS) -
La Conseyería de Cultura, Política Llingüística y Turismu incluyó nel Inventariu del Patrimoniu Cultural d'Asturies los fornos y testares alcontraos na localidá de Faro, nel conceyu d'Uviéu, cola categoría de xacimientu arqueolóxicu inventariáu. El Boletín Oficial del Principáu (Bopa) publica esti xueves la resolución d'esti departamentu.
L'espediente principió n'avientu de 2021 y depués foron atropando informes de diverses instituciones como la Real Academia d'Historia, la Universidá d'Uviéu y el Real Institutu d'Estudios Asturianos (Ridea), lo mesmo que de la Comisión d'Urbanismu y Ordenación del Territoriu d'Asturies (CUOTA), como indica la Llei de Patrimoniu Cultural d'Asturies
La resolución de Cultura destaca la importancia del centru alfareru de Faro, qu'estendió la so producción dende plena Edá Media hasta avanzáu'l sieglu XX.
