El Principáu pón en marcha'l ciclu 'Cine de branu' que va percorrer diez localidaes asturianes

PRINCIPADO

   UVIÉU, 25 Jul. (EUROPA PRESS) -

   La Dirección Xeneral d'Axenda 2030, dependiente de la Conseyería d'Ordenación del Territoriu, Urbanismu, Vivienda y Derechos Ciudadanos, pón en marcha esti branu'l "primer ciclu de cine al aire llibre inspiráu nos valores de l'Axenda 2030: Cine de branu. Porque naide ye más que naide, pa que naide se quede atrás".

   Según informa l'Executivu asturianu esti programa, gratuitu y abiertu a tolos públicos, va percorrer diez localidaes coles mires d'averar l'Axenda 2030 a la ciudadanía al traviés del disfrute compartíu de películes accesibles, emocionantes y socialmente comprometíes.

   'Cine de branu' busca espublizar al traviés del llinguaxe universal del cine los trés pegollos fundamentales de la sostenibilidá -social, medioambiental y económica- con una mirada crítica y esperanzadora sobre los retos qu'encara la sociedá.

   El ciclu inauguraráse'l próximu llunes, día 28 de xunetu, cola proyección de 'O los trés o nengunu' nel Platillo Skate de La Pola Llaviana. Va siguir con proyecciones el martes 29 en La Pola (L.lena) y el miércoles 30, en Grau.

   N'agostu, el ciclu retomaráse'l día 4 en Teberga, el 5 en Muros de Nalón, el día 6 en Colombres, el día 11 en Piloña y el 12 en Salas. Les sesiones de zarru van ser n'en Ibias, el día 19, y en Vegadeo, el 20.