UVIÉU, 14 Mar. (EUROPA PRESS) -
L'Academia de la Llingua Asturiana publicó un númberu nuevu de la revista 'Cultures', que fai'l 22 y que nesta ocasión ye un monográficu dedicáu a la cultura de la música n'Asturies, sobre manera nos últimos 40 años
Dirixida por Roberto González-Quevedo y coordinada nesti exemplar por Ignaciu Llope y Llorián García, a lo llargo de cuasi 300 páxines, 'Cultures' inclúi artículos d'investigación sobre'l l'asturianidá al traviés de la música y los sones del país como reproducción social.
Asina, hai testos sobre'l celtismu, el Nuecu Cancíu, la música asturiana nel audiovisual, la vistimenta del baille, el rock n'asturianu o les lletres del folk, amás d'entrevistes al cantautor Rafa Lorenzo y al grupu de folk Alienda, ente otros.
Nesti númberu 21 de la revista escriben, ente otros, autores como Ignaciu Llope, Lisardo Lombardía, Llorián García, Abel Pérez, Roberto González-Quevedo, Fe Santoveña, Xune Elipe o Nacho Fonseca.
