UVIÉU, 20 May. (EUROPA PRESS) -
El primer salmón de la temporada del Narcea capturóse esti miércoles nel Pozu d'El Visu. Trátase d'un exemplar d'un pesu averáu 5,5 quilos, que foi prindáu pol pescador Miguel Corral Gonzalez, nun cotu perteneciente al conceyu de Pravia.
El Conceyu de Salas, la empresa Coespi y la Sociedá de pescadores Les Mestes del Narcea, va donar 9.000 euros al pescador del 'campanu' por apurrilu con vida al Proyectu Arca de la Sociedá Les Mestes del Narcea. L'Alministración Local va agasayar al pescador con material de pesca valoráu en 2.000 euros y Casa Ricardo de Cornellana, con una comida pa dos persones nel so restorán.
Dase la circunstancia de que'l primer salmón de la temporada capturose n'Asturies esti martes nel ríu Sella. Iván Alonso Peñayos, vecín de Gamonéu de Cangas, fízose con un exemplar que mide 82 centímetros que pesaba 6,2 kilogramos.
Dende'l pasáu 18 d'abril, cuando s'abrió la temporada del salmón, los pescadores tuvieron buscando ensin suerte'l 'campanu' asturianu nos cinco calces salmoneros del Principáu. Nun foi hasta esti martes, cuando pescáu a mosca, Alonso Peñayos, consiguió prindalo a les 09.30 hores na ponte de Villanueva.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)