Los sindicatos cifren el siguimientu de la güelga d'enseñanza nun 77,35% y la Conseyería nun 45%

UVIÉU, 22 de Mayu (EUROPA PRESS)

Los sindicatos d'enseñanza convocantes n'Asturies de la xornada de güelga nel sector, qu'esti martes 22 de mayu desarróllase en toa España, cifraron nun 77,35% el siguimientu del profesoráu, y calificó "d'éxitu total" la convocatoria. El datu de les centrales contrasta col ofrecíu pola Conseyería d'Educación del Gobiernu asturianu, que lu dexó nun 45%.

Fontes d'ambes partes ofrecieron les primeres cifres, calcando en que son datos "provisionales" hasta les 11.30 de la mañana. Nel casu de los sindicatos, tovía nun se contabilizaron centros d'adultos, conservatorios de música o dellos ciclos de FP. El datu de la conseyería nun inclúi la educación universitaria, y abarca a unos 316 de los 457 centros d'enseñanza non académica.

Según Luis Fernández, responsable de la Federación d'Enseñanza de Comisiones Obreres, ún de los sindicatos convocantes, la güelga tamién ta contando con un fuerte apoyu social per parte de los alumnos, que nun acudieron nun 90% a les clases.

"Existen centros", citó, "nos que se contabilizó un 100% de siguimientu, como l'Atalía o la Escuela Infantil de José Zorrilla, en Xixón, el Colexu Públicu de Panes, los centros de Carriona o Villalegre (Avilés), el Jesús Neira (La Pola L.lena), Centru d'Educación Básica (Cabanaquinta), el Poeta Antón o'l San Félix (Candás), o'l Jesús Álvarez Valdés n'El Franco.

Criticó tamién que se "frayara el derechu a la güelga nos Centros Rurales Agrupaos (CRA)", al imponese unos servicios mínimos d'una persona por cada población. Asina, encamentó al Gobiernu a nun aplicar estos recortes, y que nun sigan con estos ataques a la educación pública.

Llamó tamién a la participación na manifestación qu'esta tarde va tener llugar n'Uviéu, a partir de les 19.00 hores na Estación de Renfe.