Torre niega que tenga una constructora y demandará a Huerta (IU) por afirmalo

UVIÉU, 19 de Payares (EUROPA PRESS)

El conseyeru d'Economía y Empléu del Gobiernu asturianu, el socialista Graciano Torre, anunció esti miércoles que va demandar al conceyal d'Uviéu Emilio Huerta (IU) por afirmar nuna rueda prensa que la empresa OCA Construcciones y Proyectos ye suya.

"Nin la mio muyer, nin yo, nin los mios fíos, nin naide de los mios familiares en cualquier grau de parentescu tuvimos en nengún momentu nin tenemos acciones, nin nengún tipu de participación, na empresa OCA Construcciones y Proyectos, nin de manera directa nin indirecta, nin por persona interpuesta", señaló Torre de manera tayante, al traviés d'una declaración distribuyida pol Gobiernu asturianu.

"Por ello, yá contacté colos abogaos pa interponer darréu una demanda contra la persona que realizó tales afirmaciones", afrimó.

Emilio Huerta 'Triqui' (IU) participó hores antes nuna rueda de prensa xunto cola conceyala d'Educación del Conceyu d'Uviéu, Inmaculada González (PP), sobre la situación del colexu públicu de Les Campes. Na so intervención, Huerta afirmó que nun entendía qu'hubiera problemes coles obres ente'l Gobiernu asturianu y a empresa encargada, porque ésta ye d'un conseyeru. De siguío, y a preguntes de los periodistes pol nome d'esi conseyeru, foi cuando faló de Graciano Torre.