UVIÉU, 21 Sep. (EUROPA PRESS) -
Un total de 38 participantes van desfilar esti domingu en Grau en 'Indumentaria', el concursu y muestra de traxes tradicionales asturianos que se celebra cada últimu domingu de setiembre coincidiendo col 'Día del Traxe'l País', que celebra anguaño la so séptima edición.
Dende la organización indicóse al traviés de nota de prensa que na xornada d'anguaño va haber una incidencia especial de les prendes de la mariña occidental d'Asturies, anque va haber tamién una representación de toles zones de la rexón.
Un xuráu independiente va decidir los seis premios en metálicu, patrocinaos por Caxa Rural d'Asturies y el Conceyu de Grau, nuna xornada que va axuntar na villa moscona a los principales espertos en indumentaria tradicional asturiana pa poner en valor esti patrimoniu cultural.
Los actos van empezar a les 11.00 hores énte'l Conceyu con 'Menudu traxín, xuegos tradicionales pa neñes y neños', van siguir col Concursu Indumentaria que se va celebrar a la 13.00 hores na Capiya de Los Dolores, y van acabar pasaes les 17.30 hores col baille tradicional na plaza del Mercáu.
