Un total de 67 obres preséntense a los premios lliterarios del Principáu

Archivo -
EDICIONES TRABE. - Archivo
Europa Press Asturias
Publicado: viernes, 1 julio 2022 15:31
Seguir en

UVIÉU 1 Jul. (EUROPA PRESS) -

Un total de 67 obres presentáronse a los ocho gallardones que'l Gobiernu d'Asturies convoca pa reconocer los meyores trabayos de la producción lliteraria y escénica escritos en llingua asturiana. La conseyería de Cultura, Política Llingüística y Turismu destina 45.000 euros a la dotación de los ocho gallardones.

Les convocatories del 2022 cerráronse cola presentación de candidatures a les distintes categoríes: Premiu Xuan M. Acebal de Poesía, 13 obres; Premiu Xosefa Xovellanos de Novela, 7 candidates; Premiu Máximu Fuertes Acevedo d'Ensayu, 12 trabayos; Premiu María Josefa Canellada de Lliteratura infantil y xuvenil, 11 títulos; Premiu Alfonso Iglesias de Cómic, 6 obres; y Premiu Florina Alías a la Meyor traducción, 8 trabayos.

Per otru llau, pal Premiu al Meyor Cantar Camaretá presentáronse 4 composiciones; al Premiu Nel Amaro a la Meyor producción escénica en llingua asturiana o gallego-asturiano, 5 espectáculos y Premiu Enriqueta González Rubín de Narrativa moza con una candidatura.

Contenido patrocinado