La TSXA asume la causa contra Daniel Ripa pola agresión al autobús de 'Hazte Oír'

UVIÉU, 10 Abr. (EUROPA PRESS) -

El Tribunal Superior de Xusticia d'Asturies (TSXA) aceptó asumir la causa contra'l secretariu xeneral de Podemos Asturies, Daniel Ripa, pola agresión al autobús de 'Hazte Oír' el pasáu 9 de mayu en L.lena.

Nun autu unviáu a los medios la TSXA declara la competencia de la Sala pa "conocer de los fechos, la so instrucción y enxuiciamientu nel so casu". La Sala designó como instructor de la causa al maxistráu Ángel Aznárez Rubio.

La Fiscalía del Principáu d'Asturies unviara un escritu al Xulgáu d'Instrucción númberu 1 de La Pola L.lena un escritu nel que solicitaba que la investigación llevóse TSXA, al cuntar Ripa cola condición de aforáu al ser diputáu autonómicu.

El parllamentariu de Podemos aportunó, depués de conocer l'autu xudicial, nel so "deséu d'arrenunciar al aforamientu" pa que "nun haya una xusticia especial pa ser diputáu". Ripa reafitóse amás en que "nun hai delitu dalgún" nos fechos que se-yos atribúi a él y al restu d'investigaos pol fregáu col autobús de 'Hazte Oír'"

"Nun fueron otra cosa que l'exerciciu de la defensa de derechos humanos frente a un casu sangrante d'acosu y despreciu hacia'l colectivu trans", sorrayó. "Pola nuestra parte nun hai medrana dalguna en defendenos nos tribunales de les absurdes acusaciones de 'Hazte Oír', vamos dir onde sía precisu pa ufiertar los nuestros argumentos y esponer los nuestros motivos, pero queremos ser xulgaos como'l restu de la xente, ensin prebendes nin tratu estremáu", señaló.