La Unión Federal de Policía pide al Gobiernu asturianu que "dea la cara" y esplique por qué se reduxo la unidá adscrita

UVIÉU, 8 d'Abril (EUROPA PRESS)

El secretariu rexonal del sindicatu Unión Federal de Policía (UFP) d'Asturies, Abel Boto, encamentó esti vienres pidió a los responsables políticos d'Asturies que "dean la cara" y espliquen les razones poles que la Unidá del Cuerpu Nacional de Policía adscrita al Asturies cuenta nesti momentu con 54 efectivos cuando empezó con 78 axentes.

Nuna rueda prensa ofrecida n'Uviéu, Boto dixo que los actuales efectivos "nun son abondo" pa los llabores que tienen asignaes: custodia d'edificios pertenecientes a Asturies, escolta de personalidaes, y l'inspección y control del xuegu.

"¿Yera necesaria esa unidá? ¿Previérense los gastos que conllevaría?", preguntó Boto a los responsables rexonales. Dixo que tienen carencies de material y que ye la unidá que menos complementu cobra de toles policías del estáu. "Los axentes tán marchando si tienen opción y busquen otros destinos", comentó.

INCUMPLIMIENTOS

Boto tuvo na citada rueda prensa acompañáu pol secretariu xeneral d'UFP, Javier Jesús Arrillaga, el secretariu d'Organización d'UFP, Agustín Vigo, el secretariu rexonal de SUP, Matías Castaño, y el secretariu xeneral de FSP-UXT, Alberto del Valle.

En clave nacional Arrillaga faló del "incumplimientu" per parte del Gobiernu central del conveniu soscritu nel 2005 que contemplaba una subida salarial. Dixo qu'aumentaron les diferencies ente lo que cobren los axentes de la Policía en Cataluña o Euskadi, a lo que cobren policíes n'otros territorios como Asturies.

Amás, punxo en valor la so alianza col sindicatu SUP de cara a les próximes elecciones al Conseyu de Policía. Dixo que la so opción defende que namás se puea entrar al cuerpu policial per "una única vía", frente a "la otra opción", a la que definió como la que "siempre defendió a los mandos".