Actualizado 20/09/2021 15:52 CET

"Ye un día históricu", proclama la ministra de Tresportes depués del primer viaxe en pruebes pela variante de Payares

Autoridades en el primer viaje en pruebas por la variante de Pajares
GOBIERNO DE ASTURIAS

UVIÉU, 20 Sep. (EUROPA PRESS) -

La ministra de Tresportes, Movilidá y Axenda Urbana, Raquel Sánchez, mostróse esti llunes satisfecha depués de participar nel primer viaxe en pruebes pela variante ferroviaria de Payares, tovía en construcción. "Ye un día históricu", dixo en Campumanes, en tando nel tren que pela primer vez circuló pelos túneles de la variante de Payares, una obra qu'empezó en 2004 y que va conectar Asturies con Llión.

Según Sánchez, ye un "finxu" na construcción d'una infraestructura d'importancia grande p'Asturies que va amenorgar tiempos de viaxe y va potenciar el tráficu de mercancíes.

Les previsiones coles que trabaya'l Ministeriu ye que les pruebes na variante de Payares, que se van realizar de forma simultánea a obres qu'entá queden pendientes, terminen a finales del añu 2022.

Con posterioridá va llegar l'autorización de l'Axencia Estatal de Seguridá Ferroviaria, requisitu que va establecer la fecha xusta pa qu'empiece a operar la llinia, según señaló Sánchez na intervención que realizó en Campumanes (Asturies), xunto colos presidentes de Castiella y Llión y d'Asturies, Alfonso Fernández Mañueco y Adrián Barbón, respectivamente.

L'empiezu de les pruebes supón un "horizonte claru y ciertu", comentó la Ministra, que dixo qu'hai años el Gobiernu "heredó" unos esquemes "irracionales" d'anchos de vía pa la infraestructura qu'amenaciaba con aislar a los puertos asturianos. "Nun podíamos dexar eses soluciones efímeres", comentó.

Asina, destacó que'l Gobiernu central púnxose a trabayar en soluciones "innovadores" y que'l resultáu ye una infraestructura que va ufiertar "perfecta conectividá" pa pasaxeros y mercancíes.

Amás, indicó qu'esti martes va ponese en serviciu les novedaes na estación en Llión que van desaniciar el 'fondu de sacu', qu'obligaba a los trenes que diben dende Asturies a camudar el sentíu de la marcha.

Asturianu ofrecido por