Caunedo defende la so inocencia y siguirá nel cargu

UVIÉU, 3 de Payares (EUROPA PRESS)

El que fuera alcalde d'Uviéu y actual voceru del PP nel consistoriu asturianu, Agustín Iglesias Caunedo, defendió esti martes la so inocencia y dixo que tien previsto siguir nos sos cargos trabayando pola ciudá. "Nun tengo nada de lo qu'avergoñame de la mio conducta, siempre foi impecable", insistió nuna rueda de prensa qu'ofreció n'Uviéu, acompañáu polos sos conceyales, y na que contestó a toles preguntes que-y plantegaron los periodistes.

Caunedo vio estos díes cómo se-y vinculaba cola denominada 'trama del agua asturiana, rellacionada col casu Pokemon', dempués de trescender les anotaciones contables que confiscaes nel ordenador del ex vicesecretariu de Comunicación del PP, Joaquín Fernández, sobre viaxes que se compartiríen y nos que consten apartaos como 'putiferios' y 'putes y dellos'.

L'exalcalde negó dafechu que gastara dineru nesos asuntos y dixo que desconoz por qué Joaquín Fernández lo apuntó nel so ordenador. "Toi seguru qu'esos gastos nun se produxeron conmigo", alegó. Señaló que guarda amistá con él dende va tiempu y que compartieron dellos viaxes privaos nos que toos pagaron la so parte.

Pa demostralo, enseñó los estractos de la tarxeta de creitu de febreru y marzu del 2009. Permitió a la prensa consultalos mientres un cortu periodu de tiempu tres la rueda de prensa, pero nun apurrió copia.

En tou casu, Caunedo reconoció sentise "fondamente ofendíu" pol "xuiciu paralelu" al que tán sometiéndolu estos díes. Al so xuiciu, les filtraciones de documentos del sumariu del 'casu Pokemon' nun son inocentes a mes y mediu de les elecciones. Cree que se trata d'una maniobra "pa desacreditar al PP y a la mio persona". Tamién consideró "insultante" que daquién pida la so imputación porque "un señor apuntó daqué nel so ordenador".

Caunedo recordó que nin ta imputáu nin lu llamaron a declarar. Lo único que fizo, afirmó, ye dir a unos viaxes privaos con unos amigos y pagar la so parte. Nunca hubo tratu de favor, aseguró, pa la empresa na que trabayaba Joaquín Fernández. Ello ye que repitió que con Fernández nunca falaba de negocios.

Preguntáu sobre "quién podía tar detrás d'esa caza" hacia la so persona, Caunedo dixo que lo desconocía, pero insistió en que resulta curioso que se filtraren unes fotografíes suyes privaes de 3.000 fueyes de sumariu.

Trátase de semeyes que "tán sacaes de contestu". Nes qu'apaez llevantando'l deu, esplicó que la realizó al "típicu pesáu que s'empeñaba en sacar una fotografía" y que ta realizada nun pub conocíu, el Blue Martini de Tampa (Florida).

Mostróse dispuestu a defender la so honorabilidá y alvirtió que ta estudiando la posibilidá d'exercer acciones llegales contra los que sopelexaron esos documentos. "Nin ética, nin xurídica nin políticamente pue condenase condergase a naide sin prebes", señaló.

La presidenta del PP d'Asturies, Mercedes Fernández, dixo esti llunes que diba esperar a que Caunedo compareciera ante los medios de comunicación pa decidir si esixía o non la so dimisión.

Preguntáu sobre si prefiriera que'l tonu de la dirixente rexonal fuera otru, llendóse a dicir qu'él "ye un home de partíu" y que nun pue pensar que daquién del PP quisiera perxudicalu. "Siempre cumplí los estatutos del partíu y toi dispuestu a dar tola información necesaria al Comité de Derechos y Garantíes", señaló.

Al acabar la rueda de prensa de Caunedo, los simpatizantes del PP y los conceyales que se dieron cita nel hotel uvieín que lu acoyó dedicáron-y una sonora ovación en señal d'apoyu. Esta tarde van asistir toos al plenu municipal que se celebra nel Conceyu d'Uviéu.