MADRID, 27 de Xineru (EUROPA PRESS)
El fiscal xeneral del Estáu, José Manuel Maza, ordenó esti viernes al fiscal superior de Cataluña, José María Romero de Tejada, qu'abra una investigación sobre les declaraciones feches pol senador d'EREC Santiago Vidal nes qu'aseguró que'l Govern tenía los datos fiscales de los catalanes de forma illegal.
Según informa la Fiscalía nuna nota, estes declaraciones "supondríen una grave vulneración de los derechos de los ciudadanos" y por ello ordena abrir una investigación "en defensa de la llegalidá", y del respetu a les instituciones constitucionales, y en tutela de los derechos fundamentales de los ciudadanos".
El senador d'ERC, suspendíu como xuez de l'Audiencia de Barcelona por participar na redacción d'una constitución pa una Cataluña independiente, dixo nun foru en payares: "nesti momentu'l Govern de la Generalitat de Cataluña tien tolos vuestros datos fiscales. ¿Eso ye llegal? Pues non, porque eso ta protexíu pola Llei de Protección de Bases de Datos del Gobiernu español".
Trátase d'un estractu d'una conferencia que Vidal ofreció'l 24 de payares nel Muséu de Granollers (Barcelona) y que formaba parte d'una serie de participaciones del xuez en diferentes poblaciones catalanes pa falar del procesu sobrenista.
El xuez defendió ante'l mesmu auditoriu que'l Gobiernu español "utiliza toles armes, llegales ya illegales" y, nesti sen, aludió a les conversaciones asoleyaes ente'l que yera ministru d'Interior, Jorge Fernández Díaz, y l'exdiredtor de la Oficina Antifraude Catalana (OAC) Daniel de Alfonso sobre buscar pruebes contra políticos independentistes.
