Actualizado 2019/04/04 16:17:52 +00:00 CET

Arabako CIC energiGUNEk I+G+B kudeaketako UNE 166002 ziurtagiria lortu du

CIC energiGUNEk I+G+B kudeaketako UNE 166002 ziurtagiria lortu du
CIC ENERGIGUNE

GASTEIZ, 4 (EUROPA PRESS)

CIC energiGUNE energia termikoaren eta elektrokimikoaren biltegiratzeari buruzko ikerketa zentroak UNE 166002:2014 araua betetzearen ziurtagiria jaso du. Ikerketaren eta transferentziaren bikaintasunezko kudeaketa eredua balioesten du ziurtagiriak, Arabako Teknologia Parkean kokaturiko zentroko arduradunek jakinarazi dutenez.

Horrela, 2018ko abendua eta 2019 martxoa bitartean bi fase izan dituen auditoretza prozesu sakona egin eta gero, Nuria Gisbert CIC energiGUNEko zuzendari nagusiak ostegun honetan jaso du UNE166002:2014 araua betetzearen ziurtagiria, Jon Ander Madariaga SGS erakundeko I+G+b arloko ziurtapen arduradunak eman dio. Iosu Madariaga Eusko Jaurlaritzako Teknologia eta Estrategiako zuzendaria, buru izan da ekitaldian, eta zentroaren langile guztiak zoriondu ditu.

"Arau hau ezartzea garrantzitsua da gure I+G+B kudeaketa hobetzen laguntzen gaituelako. Gure lankidetzako ikerketarako zentroaren apustua beti izan da elementu bereizgarritzat kudeaketa profesionala izatea", esan du Sara Ortiz Arabako CICeko Kudeaketa Sistemaren arduradun eta finantza zuzendariak.

CIC energiGUNEk Sonder Consulting enpresako Juan Carlos Morlaren laguntza izan du ziurtagiria prestatzeko. Gainera, SGS izan da ziurtapen prozesurako egiaztatutako kanpoko entitatea.

CIC energiGUNE Eusko Jaurlaritzako Ekonomiaren Garapen eta Azpiegitura Sailaren biltegiratzearen inguruko ikerketarako ekimen estrategikoa da. Arabako Aldundiaren eta Energiaren Euskal Erakundearen laguntza du, bai eta energiaren eta biltegiratzearen sektoreko Euskadiko enpresa nagusiena ere, hala nola Iberdrola, Cegasa Portable Energy, Sener, Siemens-Gamesa, Ormazabal, Idom, Solarpack, Mondragon eta Nortegas.

Zentro arabarrak emaitza oso garrantzitsuekin itxi zuen 2018: goi inpaktuko 500dik gora argitalpen zientifiko ditu eta aldian zehar 35 industria proiektu baino gehiagotan parte hartu zuen, bai eta H2020 esparruko Europako bederatzi proiektutan ere, Europako 120 milioi euro baino gehiago erakarriz.