BILBO, 24 (EUROPA PRESS)
Bertso Egunaren aurtengo edizioa ospatuko da larunbatean, urtarrilaren 27an, Gernika-Lumon (Bizkaia), eta Bertsozale Elkartea eta Lilibertso bertso eskola buru-belarri ari dira egitarauari azken ukituak ematen.
Bertsozale Elkartetik jakinarazi dutenez, 10:30ean dute bertsozaleek hitzordua Muxikan, Ariatzan; bertakoa da Garriko bertso eskola, aitzindarietakoa bertsotarako elkargune izateari dagokionez. Ondoren, 12:00etan, Astra aurrean elkartuko dira zaleak eta lurralde ezberdinetako bertso eskolak ariko dira tabernaz taberna ibilbidea osatuz.
Bazkaria 15:00etan eskainiko da Astran, eta 17:30ean hasiko da eguneko bertso jaialdia. 35 euroren truke lor daitezke bazkarirako eta jaialdirako balio duten sarrerak bertsosarrerak.eus atarian. Hasiera batean kantatu behar zuen Amets Arzallusen ordez, Sustrai Colina ariko da, eta gainerakoan, aurreikusi bezala, Etxahun Lekue, Maialen Lujanbio eta Saioa Alkaiza izango dira bertsotan. Gai emaile Aitor Etxebarriazarraga eta Idoia Anzorandia izango dira. Ondoren, gauean ere izango da festa jarraitzeko aukerarik, DJ Bullen eskutik.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
