BILBO 14 Mar. (EUROPA PRESS) -
Bilboko Itsasadarra Itsas Museoko esku hartze artistikoen proposamenak aurkezteko epea apirilaren 5era arte dago irekita. Itsas Museoak berak, Aurtenetxea Containers enpresak eta Bilboko Udalak antolatu dute ekimena, Bilbao Art District arteen asteburuaren baitan.
Proposamen irabazlearen aurkezpena Bilboko Udalak antolatutako Bilbao Art District ekimenaren jarduera egitarauaren baitan iragarriko da.
Proiektu bakoitza bakarka edo taldean egin ahal izango da, kontuan izanik diru saria proiektuarentzat izango dela eta ez partaide bakoitzarentzat, antolatzaileek jakinarazi dutenez.
Aurkeztutako lanak bost kontainer industrialek osatu beharko dute, hau da, merkantzien itsas garraioan erabili ohi diren edukiontziekin. Kontainerrak Euskalduna zubiak eta itsasadarraren bi ertzek osatutako anfiteatro osotik ikustea beharrezkoa izango da. Edukiontzien neurriak 6m x 2,5m x 2,5m edo 3m x 2,5m x 2,5m izan daitezke. Lan irabazleak 1.000 euroko saria jasoko du eta bi lan finalistek 250na euroko bi accesit.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
