EAEk 2.316 langabe gehiago izan ditu urrian eta guztira 111.553 daude

BILBO 4 (EUROPA PRESS)

Euskal Autonomia Erkidegoan (EAE) 2.316 langabe gehiago erregistratu dira urrian irailaren aldean, hau da, %2,12 gehiago, eta horrela, orotara 111.553 enplegu eskatzaile daude. Langabeziaren urte arteko bilakaerak ere gora egin du, 3.944 langabe gehiago izan baitira 2025eko urriarekin alderatuta (+%3,67), Lanbide enpleguko euskal zerbitzu publikoan erregistratutako datuen arabera.

Sexuaren arabera sailkatuta, 64.066 emakumezko eta 47.487 gizonezko daude langabezian EAEn, hots, irailean baino 968 gehiago (+%1,53) eta 1.348 gehiago (+%2,92), eta 2025eko urrian baino 1.528 gehiago (+%2,44) eta 2.416 gehiago (+%5,36), hurrenez hurren.

Adinari dagokionez, 30 urtetik beherako 20.343 langabe daude, hilabete lehenago baino 954 gehiago (+%4,92) eta 2025eko urrian baino 1.950 gehiago (+%10,60); 30 eta 44 urte arteko langabeak 31.052 dira, irailean baino 578 gehiago (+%1,90) eta iazko urrian baino 1.270 gehiago (+%4,26), eta 45 urtetik gorakoak 60.158, hilabete lehenago baino 784 gehiago (+%1,32) eta 2025ko urrian baino 724 gehiago (+%1,22).

Sektoreen artean, zerbitzuetan 75.916 langabe daude, irailean baino 1.123 gehiago (+%1,50) eta iazko urrian baino 377 gehiago (+%0,50). Industrian 10.326 enplegu eskatzaile zenbatu dira, aurreko hilean baino 70 gehiago (+%0,58) eta joan den urtean baino 34 gutxiago (-%0,33). Eraikuntzan, irailean baino 50 langabe gehiago (+%0,92) eta urtebete lehenago baino 48 gehiago (+%0,89) izan dira, eta guztira 5.458 daude.

Nekazaritza eta arrantzan 1.987 enplegu eskatzaile daude, aurreko hilean baino 71 gehiago (+%3,71) eta iaz baino 47 gehiago (+%2,42), eta aurreko enplegurik gabekoen taldean 17.866, hilabete lehenago baino 1.002 gehiago (+%5,94) eta 2025ean baino 3.506 gehiago (+%24,42).

Lurralde historikoei begiratuta, Araban 18.834 langabe daude, irailean baino 432 gehiago (+%2,35) eta iaz baino 494 (+%2,69) gehiago; Bizkaian 63.007 dira, irailean baino 1.328 gehiago (+%2,15) eta joan den urtean baino 2.087 gehiago (+%3,43), eta Gipuzkoan 29.712 enplegu eskatzaile daude, 556 (+%1,91) eta 1.363 (+%4,81) gehiago, hurrenez hurren.

Azkenik, kontratazioari dagokionez, urrian 76.853 kontratu berri sinatu dira Araban, Bizkaian eta Gipuzkoan, eta horietatik 21.502 mugagabeak izan dira, hau da, guztizkoaren %28.