EAEko industria prezioak %0,1 jaitsi dira urrian hil artean eta %1,0 igo urte artean

BILBO 24 (EUROPA PRESS)

Euskal Autonomia Erkidegoko (EAE) industria prezioek %0,1 egin dute behera urrian aurreko hilaren aldean, eta urte arteko tasari dagokionez, berriz, %1,0 igo da, Eustat euskal estatistika erakundeak bildutako datuen arabera.

Azterketa zehatzagoa eginda, aurreko hilaren aldean prezioetan jaitsierarik handienak izan dituzten sektoreak koke lantegiak eta petrolio fintzea (-%1,9) eta material eta ekipo elektrikoen fabrikazioa (-%0,9) izan diar urrian.

Aitzitik, prezioetan hiletik hilerako igoera handienak izan dituzten sektoreak ura eta energia elektrikoa, gasa eta lurruna izan dira (%2,3 eta %1,7, hurrenez hurren).

Helburu ekonomikoaren araberako ondasunen sailkapenari jarraikiz, irailaren aldean, energiaren prezioak %0,5 jaitsi dira, eta bitarteko ondasunenak %0,2; kontsumo ondasunen eta ekipamenduko ondasunen prezioak, aldiz, %0,3na igo dira.

Bestalde, urte arteko bilakaeran, prezioen igoerarik handienak produktu informatiko, elektroniko eta optikoen fabrikazioan (%11,8) eta farmazia produktuen fabrikazioan (%10,2) izan dira, eta koke lantegiak eta petrolio fintzea (-%2,9) eta kautxua, plastikoa eta beste produktu mineral ez metaliko batzuk (-%0,8) adarrekoek izan dituzte jaitsierarik handienak.

Helburu ekonomikoaren araberako ondasun talde nagusien artean, kontsumo ondasunetan %4,8ko igoera izan da, ekipamenduko ondasunetan %1,6koa, eta bitarteko ondasunetan %0,6koa; energian, aldiz, prezioek %0,9ko urte arteko jaitsiera izan dute.