EAEko merkataritza saltoki handietako salmentak %2,5 igo dira ekainean iazkoen aldean

Archivo - Saltoki handi bat
Europa Press - Archivo
Europa Press País Vasco
Actualizado: lunes, 28 julio 2025 10:16
Seguir en

BILBO, 28 (EUROPA PRESS)

Euskal Autonomia Erkidegoko (EAE) merkataritza azalera handietako eta elikadura kate handietako salmentak %2,5 igo dira ekainean aurreko urteko hil beraren aldean, prezio konstanteetan eta egutegiaren ondorioak zuzendu ondoren. Aurreko hilaren aldean, berriz, salmentek %0,5 egin dute behera prezio konstanteetan eta urtaro eraginak kenduta, Eustat euskal estatistika erakundearen datuen arabera.

Salmenten urte arteko bilakaera positiboa izan da ekainean elikaduran zein gainerako produktuetan, %1,2ko eta %4,9ko igoerekin, hurrenez hurren. Aurreko hilarekiko, aldiz, salmentak %0,8 igo dira gainerako produktuen sektorean, eta %1,2 jaitsi elikagaienean.

Lurralde historikoei dagokienez, Bizkaian %3,2, Araban %2,1 eta Gipuzkoan %1,4 gehitu dira merkataritza azalera handietako eta elikadura kate handietako salmentak ekainean, aurreko urteko garai beraren aldean. Aurreko hilarekiko, berriz, salmentak %0,7 txikitu dira Araban, %0,5 Gipuzkoan eta %0,4 Bizkaian.

Azkenik, EAEko merkataritza saltoki handietan okupatutako langileen kopurua %0,5 gehitu da ekainean iazko hilabete beraren aldean, eta %0,6 gutxitu aurreko hilarekiko.

Contenido patrocinado