BILBO 7 Dic. (EUROPA PRESS) -
Euskalmet euskal meteorologia agentziaren iragarpenaren arabera, asteazken honetan, abenduaren 7an, zerua hodeitsu egongo da eta noizbehinka euri txikia egin dezake, batez ere goizean eta ipar-mendebaldean. Haizea aldakor ibiliko da, arratsaldean ipar-ekialdekoa nagusi, eta azken orduetan eki/hego-ekialdekoa.
Kantauri isurialdeko tenperatura maximoak gradu pare bat jaitsi daitezke, hodeiak ugariagoak izango direlako. Mediterraneo isurialdean, berriz, tenperatura maximoek ildo beretik jarraituko dute. Hiriburuetan, Baionan 10 gradu espero dira gutxienez eta 13 gehienez, Bilbon 10 gutxienez eta 14 gehienez, Donostian 9 gutxienez eta 14 gehienez, Gasteizen 4 gutxienez eta 10 gehienez eta Iruñean 6 gutxienez eta 13 gehienez.
Itsasoan norabide aldakorreko haizea ibiliko da 2ko indarrarekin, eta arratsaldean ipar-ekialdera egingo du 2-3koarekin; itsaso kizkurra edo itsaskirria eragingo du. Ipar-mendebaldeko edo iparraldeko hondoko itsasoak 0,5 metro inguruko olatuak altxatuko ditu. Itsasgora 16:09an izango da, eta itsasbehereak 09:55ean eta 22:06an. Uraren tenperatura 15 gradukoa da eta ikuspena lau eta hamar kilometrotik gorakoa izango da.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
