Eguraldia.- Tenperatura gora eta arratsaldean eguzkitsu ostegunean

BILBO 10 Jun. (EUROPA PRESS) -

Euskalmet euskal meteorologia agentziaren iragarpenaren arabera, ostegunean, ekainaren 11ean, tenperaturak gora egingo du eta arratsaldean eguzkitsu geratuko da. Kantauri isurialdeko hainbat lekutan, batez ere ekialdean, goizean hodeiguneak nagusituko dira eta euri-langarra ere egin dezake; eguerdirako, ordea, altxatuz joango da eta arratsaldean eguzkitsu geldituko da. Araban eta Nafarroa erdi eta hegoaldean, egunsentiko behe-lainoa desegin ostean, eguzkitsu geldituko da.

Haizea iparraldetik edo ipar-ekialdetik ibiliko da eta tenperatura maximoak 20-25 gradu artekoak izango dira. Hiriburuetan, Baionan 13 gradu espero dira gutxienez eta 22 gehienez, Bilbon 14 gutxienez eta 22 gehienez, Donostian 12 gutxienez eta 20 gehienez, Gasteizen 8 gutxienez eta 22 gehienez eta Iruñean 10 gutxienez eta 23 gehienez.

Itsasbazterrean ipar-osagaiko haizea ibiliko da 2ko indarrarekin eta eguerdian ipar-ekialdetik finkatuko da 3koarekin eta 4ko tarte batzuekin; itsaso kizkurra eragingo du, eta eguerditik aurrera itsaskirria, itsaskiko guneekin. Ipar-mendebaldeko hondoko itsasoak 1-1,5 metro arteko olatuak altxatuko ditu goizaldean, eta arratsaldean 0,5-1 metro artekoak. Itsasgora 14:20an izango da, eta itsasbehereak 07:54an eta 20:21ean. Uraren tenperatura 18 gradukoa da eta ikuspena hamar kilometrotik gorakoa izango da.