BILBO 10 Dic. (EUROPA PRESS) -
Ertzaintzaren agenteek eta Leioako (Bizkaia) udaltzainek 24 urteko gizonezko bat atxilotu zuten atzo goizean metroaren udalerriko geltokitik hurbil ukitu lizunak egiteagatik. Erandion, Astrabuduan eta Getxon jazotako gertaera antzekoetan atxilotuaren partaidetza ikertzen ari dira, Eusko Jaurlaritzako Herrizaingo Sailak gaur jakinarazi duenez.
Abenduaren 3an Ertzaintzak emakumezko baten salaketa jaso zuen. Emakumeak gizonezko bat Leioako metrotik hurbil ukitu lizunak egin zizkiola esan zuen. Biktima emandako datu guztiekin, Ertzaintzak eta Leioako Udaltzaingoak dispositibo bat jarri zuten ustezko erasotzailea identifikatzeko eta atxilotzeko asmoarekin.
Atzo goizeko 8:30ak aldera, Leioako udaltzainek 24 urteko gizonezko bat ikusi zuten metrora bidean. Gizonaren ezaugarriak biktimak emandakoaren datuekin bat zetozen. Emakumeari eraso egin zion gizona zela egiaztatu ondoren, agenteek susmagarria atxilotu eta Ertzainetxera eraman zuten. Orain, Erandion, Astrabuduan eta Getxon jazotako gertaera antzekoetan atxilotuaren partaidetza ikertzen ari dira.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
