BILBO 8 May. (EUROPA PRESS) -
Euskotren sozietate publikoak trenen zerbitzua indartuko du egunotan HABE Helduen Alfabetatze eta Berreuskalduntze Erakundeak deituta Durangon (Bizkaia) eta Irunen (Gipzukoa) egingo diren euskara azterketak direla eta.
Zehazkiago, Euskotrenek jakinarazi duenez, E1 lineako trenen eskaintza indartuko du Bilbo/Matiko-Traña tartean ostegun honetatik larunbatera, maiatzaren 8tik 10era, Durangon egingo diren azterketetarako.
Era berean, Hendaia-Lasarte Oria E2 lineako hainbat zirkulazioren ibilbidea luzatuko du ostiralean eta larunbatean, maiatzaren 9an eta 10ean, euskara azterketak egingo diren Irungo Ficobara joatea edo bertatik bueltatzea errazteko.
Euskotrenek ordutegiak aldez aurretik kontsultatzeko gomendatu die trena erabiliko duten pertsonei, hala app ofizialean, nola www.euskotren.eus webguneko bilatzailean. Informazio gehiago nahi izanez gero, 944 333 333 telefono zenbakia eta Euskotreneko langileek zerbitzatzen dituzten geltokiak daude eskuragarri.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
