Gamarrako igerilekuak ireki dituzte Gasteizen, erabat berrituta

GASTEIZ 3 Jun. (EUROPA PRESS) -

Gamarrakon igerilekuak ireki dituzte ostiral hgonetan, erabat berrituta, eta horrela hasi da udako kanpaina. Igerilekuak irailaren 11ra arte egongo dira zabalik, eta horrela, gasteiztarrek 101 egun izango dituzte haietan ibiltzeko.

Livia Lopez Kirol eta Osasuneko eta Borja Rodriguez Udal Administrazio eta Eraldaketa Digitaleko zinegotziak izan dira Gamarrako igerilekuen hasierako egunean.

Hiritarrek ia berriak diren instalazioez gozatzeko aukera izango dute igerileku olinpikoan, familiarrean, ponpaketako eta arazketako gelan eta eraikin sozialaren fatxadan egindako lanei esker. Gainera, Gaztedi errugbi taldeak zuzenduko duen ostalaritzako zerbitzu berria egongo da.

Parkeak pandemia aurreko normaltasuna berreskuratuko du, osasun arloko murrizketarik gabe. Gainera, instalazioetara sartzeko ohiko moduak ezarri dira berriro; harpideduna izan edo aldi baterako baimena beharko da eguneko sarrerarekin, eta Gamarrako parkera sartu ahal izateko, aldiz, udako denboraldiko bonua.

Gamarrako abonamendua, gainera, mugarik gabe saldu ahal izango da eta dagoeneko salgai dago Gasteizko Udalaren webgunean HUT txartela izanez gero, edo San Antonioko hiritarraren arretarako bulegoan, gizarte etxeetan eta San Martingo bulego teknikoetan. Eguneko sarreren kasuan, instalazioetan edo udalaren webgunean eros daitezke, baina sarean erostea gomendatzen da jende gehieneko egunetan pilaketak ekiditeko.