BILBO 25 (EUROPA PRESS)
Getxoko Udalak 42.000 euro banatuko ditu Bizkaiko udalerriko 24 ikastetxe eta guraso elkarteren artean, eskola orduz kanpo mota desberdineko jarduerak antolatzen laguntzeko, txikienen artean euskararen erabilera sustatze aldera.
Hain zuzen ere, Getxoko Udaleko iturriek jakinarazi dutenez, ikasturte honetan 14 ikastetxek eta 10 familia elkartek jasoko dituzte diru laguntzak.
Diruz lagunduko diren jardueren artean daude barnetegiak, hizkuntza berreskuratze saioak edo asteburuak inguru euskaldunetan; ahozkotasuna lantzeko antzerki, bertso ikastaro edo berbodromoak; indartze klaseak; musika, kirol, eskulan, dantza edo teknologia ekintzak, eta Euskararen Eguna edo euskararen asteak.
Azkenik, aurtengo eskariak ikusita, Getxoko Udalak egiaztatu du euskara lantzearen ikuspuntutik "oso interesgarritzat jotzen diren gero eta ekimen interesgarriagoak" aurkeztu dituztela zentroek eta elkarteek, horien artean, ahozkotasunaren lanketan aurrerapausoak emateko eta ikasleen euskarazko errefortzua ere indartzeko.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
