Jaurlaritzak 543.000 euroan handituko du Sestaoko Labe Garaia balioan jartzeko lanetara bideratutako dirulaguntza

EUROPA PRESS

GASTEIZ 29 Nov. (EUROPA PRESS) -

Eusko Jaurlaritzako Kultura eta Hizkuntza Politika Sailak 543.000 euroan handituko du Sestaoko (Bizkaia) Labe Garaia balioan jartzeko lanetara bideratutako dirulaguntza.

Lakuako Gobernuak 2,4 milioi euroko urte anitzeko zuzeneko dirulaguntza onartu zuen 2021eko urrian Sestaoko Udalarentzat (400.000 euro 2021ean eta bi milioi euro 2022an), Labe Garaia balioan jartzeko lanetarako.

Sestaoko Labe Garaia monumentu kategoriako kultura ondasun izendatu zuten 2005ean, eta, gainera, egoera ahulean dauden eskualdeak bultzatzeko lehentasunez jarduteko guneetako batean dago.

Horrela, Sestaon aurreikusitako lanak dira hondeaketa plana eta ingurumen baimena; Txabarri-La Benedictina bidearen eta Labe Garaiko Parke Publikoaren arteko irisgarritasuna; bisita zentroaren-musealizazio espazioen eta BIC-Bizkaia Ezkerralderako sarbideak; Labe Garaia lehengoratzea (proiektua idaztea); proiektu osagarriak (musealizazioa, lokomotoraren eraberritzea); Labe Garaiko jardueren kudeaketa.

Orain, hasierako aurrekontuari 543.854 euro gehituko zaizkio, alde batetik, eraikuntzaren industriako lehengaien kostuaren igoerari aurre egin ahal izateko, eta, bestetik, Labe Garaiko lurzorua deskontaminatzeko. Jarduera horien guztien helburua da euskal kultura ondare izendatutako monumentua babestea, kontserbatzea eta balioestea.