BILBO, 13 (EUROPA PRESS)
Bilboko BBK Aretoak aurrera darrai 'BBK Sala Etxean' izenburuko zuzeneko emanaldiekin zikloarekin, eta El Mentón de Fogarty taldearen eta Alex Ubago kantariaren musika eta Jon Plazaola aktorearen umorea izango ditu protagonista datorren asteburuan.
Hain zuzen, El Mentón de Fogarty bilbotarra ostiralean ariko da, maiatzaren 15ean, 22:00etatik aurrera; Alex Ubago donostiarra larunbatean igoko da BBK Aretoko oholtzara, hilaren 16an, 22:00etan; azkenik, Jon Plazaola aktore urretxuarra igandean ariko da, maiatzaren 17an, 21:00etatik aurrera.
BBK Aretoko arduradunek azaldu dutenez, covid-19ak eragindako konfinamendu egoeraren ondorioz kulturguneak ixteak "kalte ekonomiko nabarmena" ekarri die kultur arloko eragileei eta artistei, eta horregatik, BBK-k bere kultur agertoki nagusia den BBK Aretoa irekitzea erabaki du, "kalitatezko programazioa eskainiz isolamendua jasangarriago egiteko eta sektoreari laguntzeko".
Asteburu honetako egitarauaren ondoren, 'BBK Sala Etxetik' ekimena hurrengo asteburuan bukatuko da, Shinova (hilaren 22an), La Bien Querida (23an) eta Oscar Terol (24an) protagonista direla.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
