Osasun arrazoiak direla eta Isabelle Faust biolinistak ordezkatuko du Hilary Hahn Donostiako Musika Hamabostaldian

DONOSTIA 24 Ago. (EUROPA PRESS) -

Hilary Hahn, Gewandhausorchester Leipzig orkestraren biolin-jotzaileak, osasun arrazoiak medio bertan behera utzi behar izan ditu orkestarekin zituen konpromezuak, horien artean abuztuaren 28an Musika Hamabostaldian ematekoa zen kontzertua, eta bere ordez Isabelle Faust biolinista egongo da.

Donostiako Musika Hamabostaldiak jakinarazi duenez, Hilary Hahn biolinistak Londres, Donostia, Santander, Paris eta Leipzigen zituen musika konpromisoak bertan behera utzi behar izan ditu, eta gauzak horrela, ez da alemaniar orkestrarekin Musika Hamabostaldian ariko horrek emango dituen bi kontzertuetatik lehenbizikoan, abuztuaren 28an, Kursaal Auditorioan.

Bere ordez Isabelle Faust biolinista alemaniarrak interpretatuko du programan aurreikusitako Dvoráken Biolinerako kontzertua mi minorrean.

Hilary Hahnek bidalitako komunikatuaren arabera, bere musika konpromisoak bertan behera uzteko erabakia bere mediku taldearen gomendioz hartu du, eszenatokietan bere lana garatzea eragozten dion lesio iraunkor baten tratamenduaren baitan.

"Aurreko denboraldian jasandako lesiotik erabat sendatu nintzela uste nuen arren, tamalez ez da horrela. Biziki tristatzen nau azarora arte aurreikusitako jarduerak bertan behera utzi behar ditudala iragartzeak" adierazi du Hahnek.

Isabelle Faust, Leopold Mozart eta Paganini lehiaketako irabazlea, munduko orkesta nagusiekin aritu da eta zuzendaririk handienekin egin du lan. Bere errepertorioa klasikotik garaikideraino hedatzen da, eta gabera-musikan ere nabarmena da.

2025/26 denboraldian orkestrekin eta jaialdi garrantzitsuekin arituko da, WDR Sinfonieorchester, Bergen Philharmonic Orchestra eta Muziekgebouw Amsterdam taldeetan erresidentzia berezia eginez.