Actualizado 08/05/2007 22:48 CET

Inelsa e Industria presentan mañá un sistema que minimiza as colisións de vehículos contra os postes

PONTEVEDRA, 8 May. (EUROPA PRESS) -

A Consellería de Industria e a empresa Inelsa presentarán mañá en Barro (Pontevedra) un sistema patentado por esta última e denominado 'Inneo', que permite minimizar o impacto das colisións dos vehículos contra os postes ou báculos.

Trátase dun "sistema de ancoraxe anisotrópica", segundo os responsables de Inelsa, que "supón unha redución das mortes nun 50 por cento" en caso de colisión dun vehículo contra un farol ou outro elemento ríxido do mobiliario urbano, con respecto a outro que non contase con este sistema.

Este invento obtivo a medalla de ouro do XXXV Salón Internacional de Invencións de Xenebra, celebrado o pasado mes de abril, así como o Premio ao Mellor Invento Español concedido pola Oficina de Patentes e Marcas.

Inelsa, en colaboración co Centro de Enxeñaría Mecánima e Automoción da Universidade de Vigo, e con apoio do 'Plan Galego de Investigación, Desenvolvemento e Innovación Tecnolóxica' da Dirección Xeral de I+D+I da Consellería de Industria, desenvolveu este sistema, que presenta "pouca rixidez en caso de impacto dun vehículo contra un báculo, pero que soporte os esforzos xerados durante a súa vida".

Consta de varias pezas denominadas "acoplamiento anisotrópicos" que se insiren na cimentación do elemento a ancorar e que presentan, segundo os responsables de Inelsa, "unha excelente rixidez ante esforzos de tracción-compresión xerados polo vento e unha resistencia controlada ante o impacto dun vehículo".

A presentación de Inneo terá lugar ás 12:30 horas na estrada PO-531 ao seu paso polo municipio de Barro. Ao acto asistirá a delegada provincial da Consellería de Industria, Montserrat Prado.