O cribado poboacional a veciños de Ames e Santiago sáldase con 4 positivos por Covid-19 e un 67% de participación

Dispositivo de cribado masivo no recinto feiral de Amio, en Santiago de Compostela, Galicia (España), a 30 de xaneiro de 2021.
Europa Press
Europa Press Galicia
Publicado: lunes, 8 febrero 2021 9:52
Seguir en

   SANTIAGO DE COMPOSTELA, 8 Feb. (EUROPA PRESS) -

   O cribado poboacional realizado polo Servizo Galego de Saúde (Sergas) a veciños de Santiago de Composela e Ames (A Coruña) ao longo da pasada fin de semana detectou catro casos positivos de Covid-19 entre as persoas que acudiron.

   Segundo informou a área Sanitaria de Santiago e Barbanza, asistiron ao recinto feiral de Amio, na capital galega, o 67 por cento das persoas citadas para este cribado entre o sábado e o domingo.

   En concreto, este cribado pretendía abarcar a 12.000 cidadáns aleatorios ao longo da fin de semana: 3.300 veciños de Ames de entre 41 e 50 anos con cartón sanitario nese municipio e outros 8.700 de Santiago de Compostela de entre 46 e 55 anos con cartón sanitario en centros de saúde da cidade.

Contenido patrocinado